TITUS
Lancelot und Ginover I: Prosalancelot
Part No. 79
Previous part

Page: (166) 
Sentence: 1052    Er gedacht in sym herczen, hett er ein also schon schwert, das im nymer kein ding gewerren mocht.
Sentence: 1053    Und Claudas wonde das er sich schemte zu trincken vor allen den luten die yn anschauweten.
Sentence: 1054    Da ging die jungfrauw von dem Lac zu Lyonel und ließ beid ir hende uber syn heubt geen und uber syn augen und sprach:
Sentence: 1055    »Nempt den kopff, schönes koniges kint, und trinckent!« und saczt im ein schones blumenschappel off syn heubt und gab im ein hafft fur yn an synen rock, die guldin was und was wol erleyt mit herlichem gesteyn.
Sentence: 1056    Alsam der sie sim bruder Bohort und sprach zu Lyonel:
Sentence: 1057    »Nu mogent ir wol mit eren drincken, edeler koniges sun, ich han uch wol gelonet zu einem mal zu trincken!« Lyonel was zornig und antwurt der jungfrauwen:
Sentence: 1058    »Ich wil trincken, ein ander muß es aber gelten!« Da wart Lyonel so zornig das er nit wúst wie im was, und Bohort sym bruder alsam, und hetten freischlich gern gestritten.
Sentence: 1059    Das gemachten alles die steyn die in den hafften waren.
Sentence: 1060    Es enwart nye kein man, und hett man der hafft eynen fur yne Gespannen, er wer zornig worden und girig zu stryt; die großen krafft hetten die steyn die dainn stunden.
Sentence: 1061    Welch man sie ob im hett, alle die welt enhett im einen blutstropffen nit angewunnen, noch wunden geschlagen, noch beyn zurbrochen.
Sentence: 1062    Lyonel nam den kopff vor dem konig, und Bohort batt yn das ern off der erden zurwurff.
Sentence: 1063    Lyonel endett des nicht, wann er nam den kopff mit beyden henden und hub yn so hoh off das im der win wol halber off syn cleyder fur, und schlug den konig mit aller syner macht mit dem kopff an syn antlicz, das im das bort von dem kopff das fleisch schneyt biß off das beyn.
Sentence: 1064    Und der win der im kopff bliben was fur dem konig under die augen und in den munt und in die nasen, das er nahelich erstickst was.
Sentence: 1065    Er zuckt die krone so ser hien nach im das das zepter nyder vil und zurbrach, er trat mit dem fuß dryn und zurreyß sie mit all.
Sentence: 1066    Lyonel ergreiff das schwert da die kron off was gestanden, und Bohort ergreiff ein stuck von dem scepter mit beyden handen.
Sentence: 1067    Das geschrey wart groß in dem pallast.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.