TITUS
Lancelot und Ginover I: Prosalancelot
Part No. 74
Previous part

Page: (156) 
Sentence: 986    Nu sagent mir zuhant wer er syl« »Entruwen herre, das thut der konig Claudas von der Wustung, der ist alles des gewaltig das uwer zu recht solt syn und uwers bruder.
Sentence: 987    
Er macht hut synen sun zu ritter in uwer statt, die zu recht heubt solt syn in uwerm lande, und heltet synen hoff darinn.
Sentence: 988    
Das müwet mich vil sere das das hohe geschlecht, dem gott bißherre so groß ere gethan hatt, enterbet muß syn syns rechten gutes, und der meyst verreter der hut lebet synen gewalt und syne herschafft da mit tribetDa Lyonel diße rede vernam, da was er grimm zornig und stieß mit sym fuß die tafeln, das sie enmitten in das huß fure, und sprang off.
Sentence: 989    
Sin augen und syn antlicz wurden röter dann ein fuer, und scheyn als im allenthalben blut breche under synen augen.
Sentence: 990    
Er ging alleyn in ein fenster siczen da yn nymant irret an synen gedenken und da er sich wol bedencken mocht was er thun mocht und wie er syn ding mocht angefangen.
Sentence: 991    
Da ging Phariens zu im und sprach:
Sentence: 992    
»Eya lieber herre, warumb hant ir diß gethan das ir von uwerm eßsen als zornlich sint gegangen an also hoher nacht als hint ist?
Sentence: 993    
Nu bitt ich uch durch gott das ir off stett und eßset; und wollent ir nicht eßsen, so siczent ir doch by uwerm bruder, der on uch dheyn wyse nicht wil eßen»Meyster«, sprach Lyonel, »ich enmag nu nit eßsen; wann gand hinweg und eßsent selb mit im, wann ich muß ein wil noch alhie bliben siczen, und darnach wil ich eßsen als es mir fuget»Werlich«, sprach Phariens, »vil lieber herre, unser dheyner enbißet daling eßsens one uch.
Sentence: 994    
Laßt ir uwer eßsen umb zorn, so sint ir nicht wol wise»Wie«, sprach Lyonel, »sint ir alle hie by mir, ir und myn bruder Bohort»Das ist werlich war«, sprach syn meyster.
Sentence: 995    
»So bitt ich uch alle das ir eßen gant als lieb als ir mich hant, wann ich wil nymer eßsens enbißen, ich enhab zu allererst eynen gedanck geendet der in mynem herczen stecket»Eya schöner herre«, sprach Phariens, »sagent uns was das sy!
Sentence: 996    
Wir wellen uch vil gern darzu raten allesampt, sint uwer gedenck so gethan das ir sie mit keynen dingen mogent zu ende bringen»Des enwil ich uch nicht sagen«, sprach Lyonel.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.