TITUS
Lancelot und Ginover I: Prosalancelot
Part No. 71
Previous part

Page: (150) 
Sentence: 951    Ich glaub des wol das sie me gutes von mir hab gehöret dann ich wirdig sy; wann als vil das sie mich der grußen, wust ich kevn sach die mich geergern mocht wiedder sie, die wolt ich beßern an ir fruntschafft und ir mynne zu behaltenn.
Sentence: 952    Wann by den truwen die ir sit schuldig uwere frauwen und aller der welt, saget mir was das sy das uwer frauw so sere an mir lestert, wann ich wil gern allerhande lernen, da mit ich gebessert mag werden!« »Ir hant mich so sere beschworn«, sprach die jungfrauwe, »das ichs uch nit lenger mag geheln.
Sentence: 953    Ir hant wol vernomen«, sprach sie, »das ich eyner der hochsten und der richsten jungfrauwen bot bin die in der welt lebet und die nye keynen man gewann.
Sentence: 954    Sie her so viel von uch hören sagen das ir den priß hettent vor allen rittern die nu lebent, wann man ir saget das ir der edelst konig werent und der höbest von aller der welt und der miltest und der schönste und das uch nymant glichen mocht von synnen.
Sentence: 955    So alle die welt zu eim rate were einhalp und ir anderhalb, so hettet ir me wicze aleyn und me wißheit dann alle die wiedder uch weren, und me gutes rates.
Sentence: 956    Darumb sante mich myn frauw herre, das ich vernemen solt ob diß alles ware were.
Sentence: 957    Nu han ich vernomen das dry die besten sach an uch gebrestent:
Sentence: 958    ir ensint wedder wise noch húbsch noch milte!« »Jungfrauw«, sprach der konig, »gebrestent diße dry sach an mir, so ist die gúte cleynes schacz wert die an mir blibet.
Sentence: 959    Ich wene auch wol das keyn man nye so wol bewarnt wart mit dißen dryen sachen, er vergesse underwilen etschlieb zu thun und thu underwilen dorpheit oder affenheit oder schalckeyt.
Sentence: 960    Diß geschieht dick manigem guten man.
Sentence: 961    Nu bitt ich uch, ob es gesin mag, das ir mir sagent warumb ich wedder hubsch noch gut ensy und wo by ir des geware sint worden.« »Das wil ich uch sagen«, sprach sie.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.