TITUS
Lancelot und Ginover I: Prosalancelot
Part No. 70
Previous part

Page: (148) 
Sentence: 937    Die jungfrauw saß off ein herlich zeltende pfert und nam zwen knappen mit ir, und ir ietwieder leyt eynen wint an einer silberen ketten, und ritten in die statt zu Gaune.
Sentence: 938    Die jungfrauw der fragen wie es stund umb des konig Bohortes kinde.
Sentence: 939    Da sagt man ir das sie noch gefangen weren und das ir herre Claudas seße in irs vatter rich und hett synen sun Dorins desselben tages ritter gemacht und hielt großen hoff.
Sentence: 940    »Und Dorins gitt groß guͦt hinweg«, sprachen sie, »durch ere.
Sentence: 941    Er ist ein schon ritter milte, kune und starck, und der konig unser herre hatt nit me kinde dann yne«, sprachen sie.
Sentence: 942    »Er gab auch gestern me gutes hinweg und me richeyt dann er ie getet by allem synern leben, wann syn son ist zu dießem hofe ritter worden.
Sentence: 943    Er sol noch vil me geben ee diser hof scheyde, wann sitther das er uß Brytanien kam, so ist er so viel milter gewesen dann er ee were alles syn leben.« »Ist das war«, sprach die jungfrauw, »so wil ich noch hut sin miltikeit versuchen.« Die jungfrauw nam beide ir winde, ietweddern in ein hant mit der ketten, und ging zu hofe.
Sentence: 944    Da sie in den sal kam, da sah sie wo der konig Claudas saß, und ging fur yn stan da er saß und aß - nohda enhett man nicht wann das erst geriecht fur getragen , und sprach so lut das es alle die horten die in dem sale waren:
Sentence: 945    »Konig Claudas«, sprach sie, »dich grußt ein die schónst jungfrauw und ein die beste die in der welt lebet!
Sentence: 946    Sie hatt dich ie geprúfet fur alle die lebent biß an dißen tag hut, wann nu weiß sie wol das du nit als hubsch noch als gut bist als ir ist zu wißen gethan.
Sentence: 947    Sie enhatt auch nit unrecht so mich duncket, wann an dir ist vil me zu lestern dann sieselbs wenet, das bau ich wol vernomen.
Sentence: 948    Nu wil ich wiedder zu myner frauwen keren und sagen ir alles das ich von dir vernommen han, beyde unhübscheit und din großen unbedachtekeyt!« Der konig besah die jungfrauwen umbe das sie so betrieb geredet hett, und die jungfrauw kert sich umb und wolt hinweg geen.
Sentence: 949    Claudas rieff ir wiedder und sprach:
Sentence: 950    »Junckfrauwe, wilkuͦmme mußent ir sin mir und gott, und uwer frauwen muß gott eren die uch zu mir gesant hatt!

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.