TITUS
Lancelot und Ginover I: Prosalancelot
Part No. 66
Previous part

Page: (140) 
Sentence: 877    Du hast gar vergeßen der die dir ye getrülichen und wol dienden, das sie vertriben sint und hant verlorn ir lant und ir ere und ir leben in dim dinstDa das der konig hort, da schampt er sichs fast sere; und alle dieß horten erschrecken sere, und sprachen die ein zu den andern das sie nye men dheinen converß so stolczlich gehorten me gereden vor eim so hohen man als der konig Artus was.
Sentence: 878    
Sie ließen all ir eßen und besahen yn zu wunder.
Sentence: 879    
Da kam fur gegangen Bodiers der kunstavel, und was im zorn das der konig und alles sin gesinde ir eßsen ließen umb das ein converß gesprochen mocht, und sprach zu im:
Sentence: 880    
»Herre convers, lat diße rede beliben biß das myn herre der konig gesse, so moget ir mit guten staten sprechen warumb ir wolt!
Sentence: 881    
Ir hantt alle die betrubt die in mynes herren hofe sint mit uwerm sprechen, das sie all ir eßsen haut gelaßen durch uwern willen»Wie, herre ritter, sol ich durch uwern willen laßen zu redende«, sprach er, »das aller der welt gut ist und myns herren des konigs ere?
Sentence: 882    
Das enwil ich nymer durch uwern willen gelaßen, ich woll reden alles das myns herren des konigs ere und briß ist.
Sentence: 883    
Ich wil yn eren und wil yn leren wie er all irdenisch konig mag uberhohen mit prise.
Sentence: 884    
Da mit beneme ich nymanne sin eßsen:
Sentence: 885    
der eßsen wil, der eßse; der des nit enwil, vastel Darumb wil ich nummer gelaßen, ich sprech alles das mir zu muͦt ist, als ich gesprochen han mynen willen.
Sentence: 886    
Ist ymant so stolcz hieinn der das sprechen wil das ich lüge gesaget hab oder falsch, er findet wol den ders wiedderredet, ee es daling nacht werd, vor allen myns herren des koniges barunen.
Sentence: 887    
Mich duncket auch werlich das ir ein kint sint des libes und des sinnes, das ir mir me das reden wolt verbieten dann dheyn stolcz man der in dißem hoff ist, der maniger hieinn ist.
Sentence: 888    
Ir enwißent auch nit wie groß not dirre clag was und wie groß ere myn herre der konig Artus mit gewinnen sol.
Sentence: 889    
Ich wene auch wol das ir der best und der kúnest ritter nit ensint den ich in myns herren des koniges Uterpandagrones hofe gesehen han.
Sentence: 890    
Ich sah dainn eynen ritter, der was genant Hervius von Rinel, und ein ander hieß Carrec.
Sentence: 891    
Die zwen waren so gut ritter das sie nymant endorffte versprechen der zwever guten ritter bedorfft.
Sentence: 892    
Sie verrieten nie keynen man wiedder yrn herren.
Sentence: 893    
Sie besserten alle die die ir herre haßete, mit worten und mit reten.
Sentence: 894    
Sie waren auch als wol mit dem konig Uterpandagrone als ir yczunt sint mit sim sun dem konig ArtuseDa Hervius hort das ern genant hett, da kam er fur gegangen.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.