TITUS
Lancelot und Ginover I: Prosalancelot
Part No. 64
Previous part

Page: (136) 
Sentence: 850    Gedenckent beyde an das rych das ir verdienen sollent mit gottes hilff, des nymer me end wirdet, und alles das uch geschehen mag lieb und leit und geschehen ist, des weset fro und ergebent es got, so sint ir úmmer frol Also mögent ir wo] unsers herren rich verdienen.
Sentence: 851    Ich weiß wol, thunt ir das das ich uch geraten han, so hilffet uch noch got und erbarmet sich uber uch.
Sentence: 852    Ir erbarmet mich der ein sundiger mensch bin, soltent ir dann unsern herren nit erbarmen der ein vatter ist aller barmherczikeit?
Sentence: 853    Ich engerugen auch nymmer, ich enkumme zu dem konig Artus und clag im uwer enterbniß und uwer groß urigemach.
Sentence: 854    Es enist auch keyn so hoch man in der welt, ich gethúr wol vor yn komen und vor im reden; und so me hoher lut da ist, so mir ye lieber ist.
Sentence: 855    Nochdann weiß ich wol vorware das der konig Artus bißherre so vil zu thun hatt gehabt mit urlage und mit menigen andern sachen, das mich dheyn wunder nit enduncket das er bißherre zu uch nit gethan enhatt, wann ers bißherre nit wol gebeßern kund.
Sentence: 856    Er enhat nit vil barune in sym lande, sie enhaben wiedder yn geurlaget, so das alle die welt wonde das sie yn vertriben solten.
Sentence: 857    Ich wene auch wol furware das nye clag fur yn keine von dißen dingen, darumb endarff mans dem konig Artus nit verwißen.« Der bruder nam urlaub zu den zweyn koniginnen und zu allen den andern frauwen und reyt hinweg und warb syne bottschafft.
Sentence: 858    Des andern tags reyt er hinweg zu dem konig Artus wert, und reyt große tagefert so lang biß er kam in Großen Brytanien und fant den konig Artusen zu Lundirs mit großer ritterschafft.
Sentence: 859    Das was in der ersten \vochen septembris, und saget die historia das der konig Artus alrest komen was von Scottenlant, da er und der konig Acgwisel sin neve geurlaget hetten, das das drit mal her gewesen das ern geutlaget hett.
Sentence: 860    Sie hetten starck sune gemacht und yewedderhalb gisel gegeben der sune zu behalten.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.