TITUS
Lancelot und Ginover I: Prosalancelot
Part No. 63
Previous part

Page: (134) 
Sentence: 836    Der frumme sol uwer sin ob got wil, das duncket mich alles ein frumme.
Sentence: 837    Wann das das lant von Bonewig und das lant von Galle ist komen in des ungetruwen Claudas haut, das ist mir werlich leyt und allen uwern frunden, und die schand ist des konig Artuses, der es lang zu recht gerochen sollt han.
Sentence: 838    Nun muß ich farn hie bi mit gehorsam dar mich myn meisterschafft gesant hatt.
Sentence: 839    Ich wil aber schier wiedder kern und wil ryten zu dem konig Artuse und wil clagen fur uch und fur uwer kint, das ob got wil noch herre sol werden uber das lant zu Bonewig.
Sentence: 840    Man went es auch wol da er yczunt ist, das er noch ein groß herre werde.« Diß hort die koniginn von Gaune alda sie in einer kamern was, da sie ein wenig geschlafen her.
Sentence: 841    Es enwas kein nacht, sie und ir swester stunden zum minsten driwarb off und sprechen ir gebete.
Sentence: 842    Da sie den bruder horte sprechen von Lancelot irm nefen, da wart sie so fro das sie nicht gestan enkunde off yren fußen, und vil in onmacht.
Sentence: 843    Da nam sie ir schwester mit iren armen und die andern frauwen die da waren und huben sie wiedder off.
Sentence: 844    Da fragete der bruder were die frauwe were und was ir were.
Sentence: 845    »Das wil ich uch sagen«, sprach die konigin, »die frau ist myn schwester und ist die konigin von Gaune, und frauwet sich so sere irs nefen Lancelots das sie von freuden in onmacht viel.« Da sprach die koniginne von Gaune das die rede also nicht enwere.
Sentence: 846    »Myns nefen bin ich fro«, sprach sie, »wann da ich hort von mym rieven sagen, da gedacht ich myner zweyer kinde die ich manigen tag verlorn bau, und kam mir ein leit zu dem herczen, das ich lang wende das mir das hercz gebrochen were.« »Frauw«, sprach der bruder, »nuͦ gehabent uch wol!
Sentence: 847    Unser herre mag uwer zwey kint als wol generen als er uwern neven manigen tag wol genert hatt, man weiß auch wol das uwer zwey kint lebent und gesunt sint und wol farnt.
Sentence: 848    Ir mogent beide unsern herren wol loben das ir alhie samet sint nach anderm ungemach das ir beide erliden hant!
Sentence: 849    Nu bitte ich uch beyde das uwer ein die andern tröst furwert, und sint gemechelich, wann uwer beyder sach sollen noch zu gut komen ob got wil.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.