TITUS
Lancelot und Ginover I: Prosalancelot
Part No. 24
Previous part

Page: (56) 
Sentence: 298    Sie gedacht, und fúret er sie zu Claudas, so wurd sie geuneret on zwyvel; ließ aber sie die kint, so forcht sie das sie sie nummer me gesehe, und gedacht doch das ir beßer were das sie die kint mit im ließ bliben, dann sie zu Claudas wurd gefuret, wann nochdann möcht er die kint döten ob er wolt, und sprach zu dem ritter:
Sentence: 299    »Sitt es dheyn radt mag syn, so beliben myn kint gott von hymmel und uch, das ir sie wol thúnt halten zu gottes truwen und helffent mir uß dißem walde, das mir anders nymand thu.« Da sprach der ritter, er wolt es gern thun, und furt sie uß dem wald so ferre das sie kamen zu eim hofe, da bruder waren die des hofes allwegen pflagen; und hieß sie alda beyten biß er gesehe ob Claudas hinweg were, das er nicht gesehe sie.
Sentence: 300    Der ritter furt die kind hinweg und furt sie da sie allergemachlichst waren und allerheimlichst.
Sentence: 301    Die koniginne verleib in dem hofe und viel dem ritter zu fuß das er yren kinden gnedig were, das er durch keyns gutes begird ir kind gebe yren fynden noch verkeufft.
Sentence: 302    Da sprach er, so im got must helffen und all heiligen, er sehe als ungern das yn leyt geschehe als imselber.
Sentence: 303    Da fur er hinweg zu Claudas.
Sentence: 304    Und da er zu im kam, da was der eber gefangen, und zuhant was mere komen das Montlahyr were gewunnen.
Sentence: 305    Claudas wart fast fro und saß off alzuhant und reyt aldare und fant die burgk offgegeben; wann da die koniginn nicht daroff getorst beliben, da getorst keyn man die burg behalten.
Sentence: 306    Da Claudas wedder kint noch frauwen enfant, da ward er sere zornig und unfro und besaczt das lant allumb und hielt es lange, das nymand daroff nicht clagete noch nymant daroff nicht sprach, noch der konig Artus, von dem man das lant hielt, wann der konig Artus was dannoch jung und was unlang konig gewesen und enkund es nit wol beschirmen als er gern wolt.
Sentence: 307    Da enwas auch nymant zu lande der dem konig Artus getörst clagen.
Sentence: 308    So forchten sie den konig Claudas von der Wúnstung.
Sentence: 309    - Nu múßen wir die rede laßen und sprechen furter wie die koniginn Evaine gefur, die des konig Bohortes wip was von Gaune.
Sentence: 310    Diße rede sprichet furbas alsus:

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.