TITUS
Lancelot und Ginover I: Prosalancelot
Part No. 23
Previous part

Page: (54) 
Sentence: 280    Der konig Claudas hett yn fast lieb und macht yn rych und gewaltig in sym lande und gab im syner lut gnug zu urlagende mit wem er wolt.
Sentence: 281    
Und der ritter diende synem herren wol zu danck spad und fro.
Sentence: 282    
Des selben tags, als die koniginn fur von Muntlahyr, geschah das der konig Claudas eyn eber jagt in dem wald da die frauw durch reyt, und der vertriben ritter was mit im.
Sentence: 283    
Da was der ritter von syner gesellschafft gescheiden, und begegent im die frauw mit yren zweyn kinde.
Sentence: 284    
Da er die frauwen sah, da ranter an sie und ergreiff sie mit dem zaume.
Sentence: 285    
Da begund die frauw erbermclich zu weynen.
Sentence: 286    
Da ergreiff er die kind beyde, die lagen in zweyn wiegen off eim seumer, und sprach, er wolt sie zu dem konig Claudas furen, und furt sie hinwegk.
Sentence: 287    
Ob da die koniginne unfro blieb, des endarff nymands zwyveln, wann dhein man enmöcht nymer so großen jamer erdencken, sie enmacht vil größern.
Sentence: 288    
Sie viel so manig mal in unmacht, das sie wonden das sie sterben solt allzuhant.
Sentence: 289    
Da der ritter sah irn großen jamer, da erbarmet es yn hart sere, und sprach:
Sentence: 290    
»Frauw, ir hant mir viel leydes gethan und myn herre der da tod ist; aber myn hercz enleßt mich uch keyn ubels thun.
Sentence: 291    
Das ich uch nu fúrte zu Claudas, das wer uwer groß laster.
Sentence: 292    
Ir datent mir zu eynem mal dienst, des uch alhie wol wirt gelonet:
Sentence: 293    
ir batent mynen herren vor mich und fristet mir mynen dot, und was uch leyt das ich vertriben wart.
Sentence: 294    
Ob gott wol, das wirt uch hut wol vergolten!
Sentence: 295    
Ich wil uch dem wald mit eren geleyten, wann so vil múßent ir thun das beyde myn herren, die alhie sint, múßent mit mir verliben.
Sentence: 296    
Ich wil sie vil wol thun halten und vil sanfft uff solche rede, mögen sie ymmer ir lant wiedder erkobern, das mir auch vil licht deste baß wirt.
Sentence: 297    
Und enwolt ir des nit thun, so fur ich uch zu Claudas, so werdent ir geuneret on zwyvelDa enwúst die frauw nit was sie thun solt.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.