TITUS
Hartmann, Iwein
Part No. 3
Previous part

Verse group: (3) 
Verse: 201    wan daz in sîn herze enlât.
Verse: 202    swer iuch mit lêre bestât,

Verse: 203    deist ein verlorniu arbeit.
Verse: 204    irn sult iuwer gewonheit

Verse: 205    durch nieman zobrechen.
Verse: 206    der humbel der sol stechen:

Verse: 207    ouch ist reht daz der mist
Verse: 208    stinke swâ der ist:

Verse: 209    der hornûz der sol diezen.
Verse: 210    ichn möhte niht geniezen

Verse: 211    iuwers lobes und iuwer vriuntschaft,
Verse: 212    wan iuwer rede hât niht kraft:

Verse: 213    ouch enwil ich niht engelten
Verse: 214    swaz ir mich muget schelten.

Verse: 215    war umbe solt ir michs erlân?
Verse: 216    ir hât ez tiurerm man getân.

Verse: 217    doch sol man ze dirre zît
Verse: 218    und iemer mêre swâ ir sît

Verse: 219    mînes sagennes enbern:
Verse: 220    mîn vrouwe sol mich des gewern

Verse: 221    daz ichs mit hulden über sî.'
Verse: 222    dô sprach der herre Keiî

Verse: 223    'Nu enlânt disen herren
Verse: 224    mîne schulde niht gewerren:

Verse: 225    wan dien hânt wider iuch niht getân.
Verse: 226    mîn vrouwe sol iuch niht erlân

Verse: 227    irn saget iuwer mære;
Verse: 228    wan ez niht reht wære,

Verse: 229    engultens alle sament mîn.'
Verse: 230    dô sprach diu guote künegîn

Verse: 231    'herre Kâlogrenant,
Verse: 232    nû ist iu selbem wol erkant

Verse: 233    und sît erwahsen dâ mite,
Verse: 234    daz in sîn bœse site

Verse: 235    vil dicke hât entêret
Verse: 236    und daz sich niemen kêret

Verse: 237    an deheinen sînen spot.
Verse: 238    ez ist mîn bete und mîn gebot

Verse: 239    daz ir saget iuwer mære;
Verse: 240    wandez sin vreude wære

Verse: 241    heter uns die rede erwant.'
Verse: 242    dô sprach Kâlogrenant

Verse: 243    'Swaz ir gebietet, daz ist getân.
Verse: 244    sît ir michs niht welt erlân

Verse: 245    so vernemet ez mit guotem site,
Verse: 246    unde mietet mich dâ mite:

Verse: 247    ich sag iu deste gerner vil
Verse: 248    ob manz ze rehte merken wil.

Verse: 249    man verlinset michel sagen,
Verse: 250    man enwellez merken unde dagen.

Verse: 251    maneger biutet diu ôren dar:
Verse: 252    ern nemes ouch mit dem herzen war,

Verse: 253    sone wirt im niht wan der dôz,
Verse: 254    und ist der schade alze grôz:

Verse: 255    wan sî verliesent beide ir arbeit,
Verse: 256    der dâ hœret und der dâ seit.

Verse: 257    ir muget mir deste gerner dagen:
Verse: 258    ichn wil iu keine luge sagen.

Verse: 259    Ez geschach mir, dâ von ist ez wâr,
Verse: 260    (es sint nû wol zehen jâr)

Verse: 261    daz ich nâch âventiure reit,
Verse: 262    gewâfent nâch gewonheit,

Verse: 263    ze Breziljân in den walt.
Verse: 264    dâ wârn die wege manecvalt:

Verse: 265    dô kêrt ich nâch der zeswen hant
Verse: 266    ûf einen stîc den ich dâ vant.

Verse: 267    der wart vil rûch und enge:
Verse: 268    durch dorne und durch gedrenge

Verse: 269    sô vuor ich allen den tac,
Verse: 270    daz ich vür wâr wol sprechen mac

Verse: 271    daz ich sô grôze arbeit
Verse: 272    nie von ungeverte erleit.

Verse: 273    und dô ez an den âbent gienc,
Verse: 274    einen stîc ich dô gevienc:

Verse: 275    der truoc mich ûz der wilde,
Verse: 276    und kam an ein gevilde.

Verse: 277    dem volget ich eine wîle,
Verse: 278    niht vol eine mîle,

Verse: 279    unz ich eine burc ersach:
Verse: 280    dar kêrt ich durch mîn gemach.

Verse: 281    ich reit gegen dem bürgetor:
Verse: 282    dâ stuont ein rîter vor.

Verse: 283    er hete, den ich dâ stânde vant,
Verse: 284    einen mûzerhabech ûf der hant:

Verse: 285    diz was des hûses herre.
Verse: 286    und als er mich von verre

Verse: 287    zuo ime sach rîten,
Verse: 288    nune mohter niht erbîten

Verse: 289    und enlie mir niht die muoze
Verse: 290    daz ich zuo sînem gruoze

Verse: 291    volleclîchen wære komen,
Verse: 292    erne hete mir ê genomen

Verse: 293    den zoum unde den stegereif.
Verse: 294    und alser mich alsô begreif,

Verse: 295    dô enpfienc er mich als schône
Verse: 296    als im got iemer lône.

Verse: 297    Nû hienc ein tavel vor dem tor
Verse: 298    ----------------------

Verse: 299    ----------------------
Verse: 300    an zwein ketenen enbor:

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.