TITUS
Hartmann, Iwein
Part No. 2
Previous part

Verse group: (2) 
Verse: 101    und sleich zuo in sô lîse dar
Verse: 102    daz es ir deheiner wart gewar,

Verse: 103    unz sî in kam vil nâhen bî
Verse: 104    und viel enmitten under sî.

Verse: 105    niuwan eine Kâlogrenant,
Verse: 106    der spranc engegen ir ûf zehant,

Verse: 107    er neic ir unde enpfienc si.
Verse: 108    dô erzeicte aber Keiî

Verse: 109    sîn alte gewonheit:
Verse: 110    im was des mannes êre leit,

Verse: 111    und beruoft in drumbe sêre
Verse: 112    und sprach im an sin êre.

Verse: 113    Er sprach 'her Kâlogrenant,
Verse: 114    uns was ouch ê daz wol erkant

Verse: 115    daz under uns niemen wære
Verse: 116    sô höfsch und als êrbære

Verse: 117    als ir wænet daz ir sît.
Verse: 118    des lâzen wir iu den strît

Verse: 119    vor allen iuwem gesellen,
Verse: 120    ob wir selbe wellen:

Verse: 121    iuch dunket des man süln iu lân.
Verse: 122    Ouch solz mîn vrouwe dâ vür hân:

Verse: 123    sî tæte iu anders gewalt:
Verse: 124    iuwer zuht ist sô manecvalt,

Verse: 125    und ir dunket iuch sô volkomen.
Verse: 126    deiswâr ir hât iuch an genomen

Verse: 127    irne wizzet hinte waz.
Verse: 128    unser deheiner was sô laz,

Verse: 129    heter die künegîn gesehen,
Verse: 130    im wær diu selbe zuht geschehen

Verse: 131    diu dâ iu einem geschach.
Verse: 132    sît unser keiner sîne sach,

Verse: 133    od swie wir des vergâzen,
Verse: 134    daz wir stille sâzen,

Verse: 135    dô möht onch ir gesezzen sîn.'
Verse: 136    des antwurt im diu künegîn.

Verse: 137    Sî sprach 'Keiî, daz ist dîn site,
Verse: 138    und enschadest niemen mê dâ mite

Verse: 139    danne dû dir selbem tuost,
Verse: 140    daz dû den iemer hazzen muost

Verse: 141    deme dehein êre geschiht.
Verse: 142    dû erlâst dîns nîdes niht

Verse: 143    daz gesinde noch die geste:
Verse: 144    der bœste ist dir der beste

Verse: 145    und der beste der bœste.
Verse: 146    eins dinges ich dich trœste:

Verse: 147    daz man dirz immer wol vertreit,
Verse: 148    daz kumt von dîner gewonheit,

Verse: 149    daz dûs die bœsen alle erlâst
Verse: 150    und niuwan haz ze den vrumen hâst.

Verse: 151    dîn schelten ist ein prîsen
Verse: 152    wider alle die wîsen.

Verse: 153    dune hetest diz gesprochen,
Verse: 154    dû wærst benamen zebrochen;

Verse: 155    und wære daz, weiz got, vil wol,
Verse: 156    wan dû bist bitters eiters vol,

Verse: 157    dâ dîn herze inne swebet
Verse: 158    und wider dînen êren strebet.ʽ

Verse: 159    Keiî den zorn niht vertruoc,
Verse: 160    er sprach 'vrouwe, es ist genuoc.

Verse: 161    ir habt mirs joch ze vil gesaget:
Verse: 162    und het irs ein teil verdaget,

Verse: 163    daz zæme iuwerm namen wol.
Verse: 164    ich enpfâhe gerne, als ich sol,

Verse: 165    iuwer zuht und iuwer meisterschaft:
Verse: 166    doch hât sî alze grôze kraft.

Verse: 167    ir sprechet alze sêre
Verse: 168    den rittern an ir êre.

Verse: 169    wir wârens an iu ungewon:
Verse: 170    ir werdet unwert dervon.

Verse: 171    ir strâfet mich als einen kneht.
Verse: 172    gnâde ist bezzer danne reht.

Verse: 173    ichn hân iu selhes niht getân,
Verse: 174    irn möhtet mich wol leben lân:

Verse: 175    und wær mîn schulde grœzer iht,
Verse: 176    so belibe mir der lîp niht.

Verse: 177    vrouwe, habet gnâde mîn,
Verse: 178    und lât sus grôzen zorn sîn.

Verse: 179    iuwer zorn ist ze ungenædeclich:
Verse: 180    nien brechet iuwer zuht durch mich.

Verse: 181    mîn laster wil ich vertragen,
Verse: 182    daz ir ruochet gedagen.

Verse: 183    ich kume nâch mînen schulden
Verse: 184    gerne ze sînen hulden:

Verse: 185    nû bitet in sîn mære,
Verse: 186    des ê begunnen wære,

Verse: 187    durch iuwer liebe volsagen.
Verse: 188    man mac vil gerne vor iu dagen.ʽ

Verse: 189    Sus antwurte Kâlogrenant
Verse: 190    'ez ist umb iuch alsô gewant

Verse: 191    daz iu daz niemen merken sol,
Verse: 192    sprechet ir anders danne wol.

Verse: 193    mir ist ein dinc wol kunt:
Verse: 194    ezn sprichet niemannes munt

Verse: 195    wan als in sîn herze lêret:
Verse: 196    swen iuwer zunge unêret,

Verse: 197    dâ ist daz herze schuldec an.
Verse: 198    in der werlte ist manec man

Verse: 199    valsch und wandelbære,
Verse: 200    der gerne biderbe wære,

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.